«Levada» - Swiss-Ski ha preschentà il nov dress da cursa
Cun la midada dal sponsur principal Swisscom tar Sunrise datti er nova vestgadira per atletas ed atlets da Swiss-Ski. Mardi saira è vegnì preschentà il nov dress da skis. Enconuschent era fin uss mo ch'il dress porta in num rumantsch, numnadamain «levada», per la levada dal sulegl.
Legenda:
Uschia guarda or il nov dress da Swiss Ski: Cotschen ed alv domineschan.
Swiss Ski
2 / 6
Legenda:
Tranteren hai detagls, sco quest culier cun scrit si per englais «dream big. do big.», quai che munta tant sco «siemia grond e fa grond».
Swiss Ski
3 / 6
Legenda:
Swiss Ski
4 / 6
Legenda:
Swiss Ski
5 / 6
Legenda:
Swiss Ski
6 / 6
Legenda:
Swiss Ski
20 onns èn il skiunzs svizzers ids a la partenza en il medem dress tenor las colurs da la Swisscom. Al cumenzament era quai dress quasi be en la colur blaua, pli tard èn las colurs cotschen ed alv anc vegnidas vitiers. Quella èra è uss dentant a fin. A partir da la stagiun 2022/23 partan Marco Odermatt, Beat Feuz u Mauro Caviezel en novs dress da cursa.
Il principal è ch’igl è in bun ed in spert dress.
Cun il dress da la Swisscom han atletas ed atlets da Swiss-Ski procurà per bleras emoziuns e gronds success. Durant quels davos dus decennis ha Swiss-Ski er gudagnà 44 medaglias olimpicas. Il resti da cursa vegn dal reminent producì dapi il 1977 en Svizra entras la firma giapunaisa Descente.
audio
Tge spetgan ils skiunzs dals novs dress?
02:29 min, ord Actualitad dals 04.07.2022.
laschar ir. Durada: 2 minutas 29 Secundas.
«In nov dress da cursa era il pli impurtant»
Era Franco Cavegn ha gì durant sia carriera sco skiunz d’elita differents dress da cursa. Ses dress preferì era il nair da la Swissair. Cun quel ha el numnadamain pudì festivar ses pli gronds success.
Stoffa erodinamica saja decisiva per in bun dress da cursa, dentant era la vegliadetgna d’in dress. Gia suenter ina giada purtar in dress, sa stenda la taila uschè ferm, che quel daventa plauns. Uschia eri per Franco Cavegn il pli impurtant, da survegnir per mintga cursa in nov dress da skis.
Sguard sin intgins dress dals davos decennis
1 / 5
Legenda:
Crans-Montana (1987):
Pirmin Zurbriggen e Maria Walliser triumfeschan en in dress cotschen.
Museum naziunal Svizzer
2 / 5
Legenda:
Bunamain schon legendar:
Dal 1992 fin il 1998 van skiunzas e skiunz svizzers en il «dress da chaschiel». Da vesair sin la fotografia èn Paul Accola (san.) e Franz Heinzer.
Keystone
3 / 5
Legenda:
1999-2001:
Mo paucs onns eran las atletas ed atlets da Swiss Ski sin pista cun la «SwissAir» sco sponsur principal. Suenter il Grounding l'onn 2001 ha Swisscom surpiglià sco sponsur. (Sin la fotografia: Michael von Gruenigen).
Keystone
4 / 5
Legenda:
Swisscom surpiglia sco sponsur:
A partir dal 2002 è il dress dals Svizers e Svizzras blau. (Tamara Wolf (san.) e Martina Schild preschentan il dress).
Keystone
5 / 5
Legenda:
Il dress dapi il 2008:
Il dress blau cun las cifras ha fatg plaz al dress nov. (Da san. a dretta: Fabienne Suter, Daniel Albrecht und Rabea Grand).
Keystone
