Siglir tar il cuntegn

Header

video
«Levada» – il nov dress da Swiss-Ski: Franco Cavegn declara, tge ch’è impurtant tar in dress da cursa.
Or da sil punct dals 05.07.2022.
laschar ir. Durada: 1 minuta 54 Secundas.
cuntegn

«Levada» Swiss-Ski ha preschentà il nov dress da cursa

Cun la midada dal sponsur principal Swisscom tar Sunrise datti er nova vestgadira per atletas ed atlets da Swiss-Ski. Mardi saira è vegnì preschentà il nov dress da skis. Enconuschent era fin uss mo ch'il dress porta in num rumantsch, numnadamain «levada», per la levada dal sulegl.

20 onns èn il skiunzs svizzers ids a la partenza en il medem dress tenor las colurs da la Swisscom. Al cumenzament era quai dress quasi be en la colur blaua, pli tard èn las colurs cotschen ed alv anc vegnidas vitiers. Quella èra è uss dentant a fin. A partir da la stagiun 2022/23 partan Marco Odermatt, Beat Feuz u Mauro Caviezel en novs dress da cursa.

Il principal è ch’igl è in bun ed in spert dress.
Autur: Marco Odermatt victur cuppa mundiala generala 2021/22

Cun il dress da la Swisscom han atletas ed atlets da Swiss-Ski procurà per bleras emoziuns e gronds success. Durant quels davos dus decennis ha Swiss-Ski er gudagnà 44 medaglias olimpicas. Il resti da cursa vegn dal reminent producì dapi il 1977 en Svizra entras la firma giapunaisa Descente.

audio
Tge spetgan ils skiunzs dals novs dress?
ord Actualitad dals 04.07.2022.
laschar ir. Durada: 2 minutas 29 Secundas.

«In nov dress da cursa era il pli impurtant»

Era Franco Cavegn ha gì durant sia carriera sco skiunz d’elita differents dress da cursa. Ses dress preferì era il nair da la Swissair. Cun quel ha el numnadamain pudì festivar ses pli gronds success.

Stoffa erodinamica saja decisiva per in bun dress da cursa, dentant era la vegliadetgna d’in dress. Gia suenter ina giada purtar in dress, sa stenda la taila uschè ferm, che quel daventa plauns.  Uschia eri per Franco Cavegn il pli impurtant, da survegnir per mintga cursa in nov dress da skis.

RTR actualitad 17:00

Artitgels legids il pli savens

Scrollar a sanestra Scrollar a dretga