- Lugano – ZSC Lions 4:0
- Berna – Ambri 2:0
- Losanna – SCL Tigers 5:0
- Friburg – Lakers 2:1
Sin il glatsch han surprais ils ZSC Lions ch'avevan finì l'onn passà sco victurs da la qualificaziun la stagiun interrutta. Els avevan fatg il start sco favurit en la nova stagiun. Encunter Lugano han els dentant gist pers 0:4. Berna che aveva manchentà l'onn passà sco campiun ils playoffs ha cumenzà cun ina victoria encunter Ambri (2:0). Las temas che la liga avess pudì pers durant la crisa ses equiliber, n'èn betg idas en vigur. Losanna – encunter ils SCL Tigers – e Friburg – encunter ils Lakers – han stuì cumbatter ferm per mantegnair lur rolla da favurits.
Il HCD gioga damaun, ils 2 d'october ses emprim gieu encunter Genevra.
Stagiun autra che usità
Dapi gievgia il prim d'october pon puspè passa 1'000 visitadras e visitaders ir ad occurrenzas grondas. L'emprim di è il return dals fans gartegiada. Ils visitaders e las visitadras han gì da purtar mascras da protecziun. A Berna ha il CEO Marc Lüthi avertì persunalmain als fans d'esser raschunaivels. Tut ils clubs svizzers sajan avisads sin las entradas dals matchs.
Er cun stadions vendids ora quintan ils clubs questa stagiun cun perditas da mintgamai radund trais milliuns francs. Ma almain durant ils proxims dis ed emnas duai il sportiv puspè vegnir en il center.