Il club da hockey da Ajoie resta en la pli auta liga svizra dal hockey. Il club ha gudagnà il duel giurassian cunter La Chaux-de-Fonds, la seria finescha 4:2.
En il playoff per la promoziun/relegaziun a Ajoie gudagnà la 6avla partida, grazia a dus gols en las davosas minutas – cun 3:2 cunter La Chaux-de-Fonds, il campiun da la Swiss League. Sajettà ils dus gols tardivs han ils Canadais Guillaume Asselin e Jérôme Leduc.
Uschia terminescha Ajoie la seria cun quatter a duas victorias. Il club dal Giura aveva cumenzà la seria cun duas terradas. Uss po el era dar la proxima stagiun en la pli auta liga svizra, sco 14avla squadra.