Siglir tar il cuntegn

Header

cuntegn

Liga naziunala Terza victoria en seria per il HCD

Il Club da hockey da Tavau ha battì a chasa il HC Ambri-Piotta cun 3:1. Per il gol decisiv ha Enzo Corvi procurà. El ha sajettà bun ina minuta avant la fin dal gieu il 2:1 per il HCD. En la davosa minuta ha il topscorer dal HCD Matej Stransky lura fatg tut cler cun il 3:1 en il gol vid, in gol ch’ha sulet midà in zic cosmetica vid il resultat.

audio
Per tadlar curt e cumpact
ord RTR Audio dals 26.10.2022.
laschar ir. Durada: 1 minuta 13 Secundas.

Il gieu ha gia cumenzà bain per Tavau. En la 6avla minuta ha Marc Wieser tuc al 1:0, quai ord in chantun quasi nunpussaivel. Il puck ha dentant chattà la via en il gol, quai tranter la spatla dal goli d’Ambri, Janne Juvonen, e la latta. Pir en la 34avla minuta èsi reussì ad Ambri-Piotta d’egualisar il gieu al 1:1 entras Inti Pestoni ch’ha giugà dal 2018 fin il 2019 en il dress dal HCD.

HCD sin unda da success

Suenter las duas stretgas victorias da la fin d’emna ordaifer encunter Losanna (5:4 suenter penaltis) ed encunter Genevra Servette (5:4 en la prolungaziun) po il HCD uschia festivar la terza victoria en seria e la terza victoria entaifer be quatter dis.

Uss survegn l’equipa da Christian Wohlwend dentant intgins dis pausa da sa revegnir. Il proxim gieu spetga sonda saira, ils 29-10, a chasa encunter ils ZSC Lions che sa chattan cun trais puncts dischavantatg sin il HCD sin il 6avel plaz da la tabella. Tavau è sin il quart plaz.

Tabella hockey liga naziunala

Avrir la box Serrar la box

Link tar Federaziun da hockey

RTR novitads 20:00

Artitgels legids il pli savens