Igl è stà l'emprima giada en questa stagiun che il HCD ha dà cunter ils da Losanna. Suenter mintgamai dus gols en las emprimas 20 minutas han ils Grischuns cumenzà a dar gas. Il gol da Matej Stransky en la 22avla minuta, quel da Raphael Prassl en il powerplay en la 49avla minuta e quel dad Axel Simic en la 51avla minuta han lura procurà per la victoria dal HCD. Suenter dus terradas han ils da Tavau puspè chattà la via per gudagnar.
La stagiun passada èn il club da hockey da Tavau e Losanna stads eguals, sch’ins resguarda ils duels directs. Mintga club ha gudagnà mintgamai las duas partidas a chasa. E trais giadas è il resultat stà stretg, cun sulet in gol differenza. Ed er la quarta partida è stada pulit guliva – cun in 5:3 per Losanna.
Ils ulteriurs resultats
- Berna – Bienna 3:4 suenter prolungaziun
- Genevra-Servette – Fribourg-Gottéron 1:3
- SCL Tigers – Rapperswil Jona Lakers 4:5
- ZSC Lions – Lugano 5:2
- Zug – Ajoie 2:3 suenter prolungaziun
