Legenda:
Ina buna figura ha cunzunt David Ullström fatg. Il Svedais ha sajettà gist trais gols per il HCD.
Keystone
La differenza ha il HCD fatg en l'ultim terz. Gist quatter giadas han ils Grischuns sajettà il puck en la rait, e quai cun mo otg sajets. Fribourg-Gottéron ha perencunter sajettà en las ultimas 20 minutas 19 giadas direcziun Sandro Aeschlimann. Dentant mo ina giada è il puck sgulà en la rait.
En las emprimas 40 minutas èsi stà in gieu fitg guliv. En l'emprim terz ha Fribourg plitost gì dapli dal gieu. En il segund terz ha lura Tavau gì in lev surpli.
L'um dal gieu è sper Sandro Aeschlimann cun 41 paradas, senza dubi il Svedais David Ullström che ha sajettà trais gols.
Grazia a la victoria è Tavau da nov sin plazza 4 da la tabella. Otg gieus da qualificaziun stattan anc sin il program per l'equipa da Christian Wohlwend.
Ils ulteriurs resultats
- Berna – Zug 4:5
- Lugano – Genevra 7:2
- Bienna – ZSC Lions 4:5 suenter prolungaziun
- Ambri – Lakers 5:3