-
Bild 1 von 5. En la lutga finala ha Samuel Giger smatgà Armon Orlik en il resgim. Bildquelle: Keystone.
-
Bild 2 von 5. Samuel Giger cun il taur Leo, il premi per il victur dal NOS 2017. Bildquelle: Keystone.
-
Bild 3 von 5. Armon Orlik ha empruvà fin il davos da mitschar da l'attatga decisiva da Samuel Giger. Bildquelle: Keystone.
-
Bild 4 von 5. Samuel Giger vegn festivà dals radund 5'000 visitaders en la halla a Tavau. Bildquelle: Keystone.
-
Bild 5 von 5. Igl è dumagnà: Samuel Giger strusch po crair ch'el ha battì Armon Orlik. Bildquelle: Keystone.
Rangaziun finala
A Samuel Giger èsi reussì da metter en dies en il resgim Armon Orlik suenter bun 13 minutas da la lutga finala. Giger ha uschia pudì festivar in ulteriur grond success en sia giuvna carriera. Il Turgovian ha be 19 onns e vala sco in dals pli gronds talents da lutga.
Armon Orlik è il sulet lutgader grischun che po turnar a chasa cun in cranz. A tut ils auters Grischuns n'èsi betg gartegià da far furori avant ils fans da chasa a Tavau. Manchentà in cranz per be in quart punct ha Sandro Schlegel da Fideris.
Comeback gartegià
Malgrà la terrada en la lutga finala astga Armon Orlik esser cuntent cun sia prestaziun al NOS a Tavau. Per Armon Orlik èsi numnadamain stà l’emprima festa da lutga suenter ina pausa da sis emnas pervia d’ina blessura vid la tatona. Il lutgader da 22 onns ha persvadì durant l’entira festa ed ha gudagnà fin la lutga finala quatter da tschintg lutgas e cumbattì ina gia pari. En la lutga finala ha Armon Olik la finala pers in dir cumbat encunter in da ses pli gronds concurrents.
Grazia a las bunas prestaziuns al NOS a Tavau ha Armon Orlik mussà ch’el auda tranter ils megliers dals megliers e ch’el vala lura era a la festa d’Unspunnen ad Interlaken tranter ils gronds favurits. La festa d’Unspunnen è be mintga sis onns ed è uschia il punct culminant dal 2017.
Lutga finala: Orlik Armon – Giger Samuel
A la festa da lutga da la Svizra dal Nordost ha il defensur dal titel Armon Orlik er cuntanschì il 2017 la lutga finala. Orlik ha gudagnà la 5avla lutga encunter Samir Leuppi da Winterthur. Igl è stà la quarta victoria sper il pari en la terza lutga cunter Martin Hersche.
5. lutga: resultats dals megliers lutgaders grischuns
Rangaziun suenter tschintgavla lutga
Armon Orlik salida suenter tschintg lutgas a la testa da la rangaziun cun 49.00 puncts, in mez punct dapli che Samuel Giger dal chantun Turgovia e Daniel Bösch dal chantun Son Gagl. Bösch ch'aveva gudagnà las emprimas quatter lutgas cun il maximum da puncts ha pers la 5avla lutga encunter Giger, uschia ch'omadus èn classads sco segunds cun tuttina blers puncts (48.50).
Suenter intginas discussiuns ha la giuria decidì da trametter Samuel Giger en la lutga finala cunter Armon Orlik.
-
Bild 1 von 6. In e scadin cun vista optimala sin la plazza da lutga. Bildquelle: Keystone.
-
Bild 2 von 6. Taur Leo sa preschenta en il stadion da Tavau. Bildquelle: Keystone.
-
Bild 3 von 6. Ils sunatibas na dastgan sa chapescha betg mancar a la festa da lutga a Tavau. Bildquelle: Keystone.
-
Bild 4 von 6. Daniel Bösch marscha da victoria a victoria al NOS. Bildquelle: Keystone.
-
Bild 5 von 6. Betg mo ils lutgaders, er il taur Leo ha said. Bildquelle: Keystone.
-
Bild 6 von 6. Tarpun verd e resgim sin il glatsch dal HCD. Bildquelle: Keystone.
Armon Orlik fa curt process cun Krähenbühl
Er suenter la quarta lutga ha Armon Orlik vinavant bunas schanzas da cuntanscher la lutga finala. Suenter la pausa da mezdi ha Orlik tramess en il resgim Tobias Krähenbühl dal chantun Turgovia.
4. lutga: resultats dals megliers lutgaders grischuns
Rangaziun suenter quarta lutga
Vinavant a la testa resta Daniel Bösch. Il lutgader da Wil ha er gudagnà a moda suverana la quarta lutga. Bösch (40.00 puncts) ha uschia vinavant in punct avantatg sin Armon Orlik. Bösch ed Orlik valan er tranter ils topfavurits per la victoria a la festa da lutga da la Svizra dal Nordost a Tavau.
Armon Orlik levet franà avant gentar
Il defensur dal titel, Armon Orlik, ha persvadì durant l’avantmezdi al NOS a Tavau. Il lutgader da Maiavilla ha gudagnà duas da trais lutgas ed ha ina giada cumbattì pari.
3. lutga: resultats dals megliers lutgaders grischuns
Suenter avair battì Stephan Studinger dal chantun Argovia e l’Appenzellais Raphael Zwyssig n’èsi betg reussì ad Orlik dad er metter en dies en il resgim Martin Hersche da l'Appenzell ch'aveva er gudagnà las emprimas duas lutgas. Orlik e Hersche han cumbattì pari.
Rangaziun suenter terza lutga
Daniel Bösch a moda suverana fin qua
Suenter la mesadad da la festa da lutga NOS a Tavau maina Daniel Bösch cun il maximum da 30 puncts, 1 punct avant il defensur dal titel, Armon Orlik. Sin il terz plaz figureschan gist sis lutgaders cun 1,25 puncts pli pauc che Daniel Bösch, tranter quels er Curdin Orlik, il frar d'Armon Orlik.
-
Bild 1 von 6. Ils tschintg rintgs da lutga en la halla da hockey a Tavau. Bildquelle: RTR, Andreas Wieland.
-
Bild 2 von 6. En la halla da glatsch a Tavau vegn suà. Bildquelle: Keystone.
-
Bild 3 von 6. Per ina giada tut in'autra tempra en la halla da glatsch a Tavau. Bildquelle: RTR, Andreas Wieland.
-
Bild 4 von 6. Resgim enstagl glatsch - lutga enstagl hockey en la halla dal HCD. Bildquelle: Keystone.
-
Bild 5 von 6. Er las medias han ina buna vista tge che curra e passa en il resgim. Bildquelle: RTR, Andreas Wieland.
-
Bild 6 von 6. Per RTR al NOS a Tavau: Andreas Wieland (san.) e Roman Dobler. Bildquelle: RTR.
Armon Orlik gudogna er segunda lutga
Il defensur dal titel, Armon Orlik, ha er fatg en la segunda lutga ina buna figura. Orlik ha battì Raphael Zwyssig da Gais ch'aveva anc gudagnà suveran sia emprima lutga. Suenter duas lutgas figurescha Armon Orlik gia en il ravugl da la testa da la rangaziun.
2. lutga: resultats dals megliers lutgaders grischuns
Rangaziun suenter segunda lutga
Armon Orlik (Maiavilla), Fabian Kindlimann (Dürnten ZH) e Daniel Bösch (Zuzwil SG) èn ils sulets trais lutgaders ch’han il maximum da puncts (20.00) suenter las emprimas duas lutgas al NOS a Tavau. En il cumbat per la lutga finala resta dentant vinavant tut avert.
-
Bild 1 von 5. Armon Orlik gudogna la 5avla lutga cunter Samir Leuppi e cuntanscha uschia la lutga finala. Bildquelle: Keystone.
-
Bild 2 von 5. Tempra da festa er enturn il stadion al NOS a Tavau. Bildquelle: Keystone.
-
Bild 3 von 5. Ina dira lutga tranter Armon Orlik e l'Appenzellais Martin Hersche. Bildquelle: Keystone.
-
Bild 4 von 5. Musica e chant procuran per divertiment durant la pausa da mezdi. Bildquelle: Keystone.
-
Bild 5 von 5. Armon Orlik (suren) tar sia emprima lutga a Tavau cunter Stephan Studinger. Bildquelle: Keystone.
Partenza grategiada tar il comeback d’Armon Orlik
Il defensur dal titel Armon Orlik ha cumenzà cun success la festa da lutga NOS a Tavau. Il lutgader da Maiavilla ha mess en dies en sia emprima lutga Stephan Studinger dal chantun Argovia.
1. lutga: resultats dals megliers lutgaders grischuns:
Dals gronds favurits han er gudagnà l’emprima lutga Daniel Bösch da Zuzwil SG e Raphael Zwyssig da Gais AP. Ulteriurs favurits sco Samuel Giger d’Ottoberg TG u Michael Bless da Gais AP han stuì sa cuntentar be cun in pari. Per Arnold Forrer da Stein SG hai schizunt dà ina terrada.
RR actualitad 06:00