Siglir tar il cuntegn

Header

cuntegn

Lutga da buobs e giuvenils Resvegl da la lutga a Sur En

Suenter l’emprima euforia è quai vegni quiet enturn la Societad da lutga engiadinaisa. Ils giuvens che trenavan a l’entschatta èn uss creschids, ed uschia ha inqual dà si il sport. En Engiadina Bassa datti dentant puspè moviment en il sport da lutga.

L’euforia era gronda avant radund diesch onns, cura che la Societad da lutga engiadinaisa è vegnida fundada. In zichel er or dal success da la lutga da buobs, ha ins decidì da fundar questa societad. Spert aveva la societad 180 commembers, ed inqual uffant ni giuvenil aveva cumenzà da trenar quest sport. Cun ir dal temp è l’interess vi da la lutga en Engiadina dentant sa calmada. Ils davos dus onns n'ha quai betg pli dà in trenament regular en il resgim.

Cotschen da la damaun en Engiadina Bassa

Il sport tradiziunal passenta actualmain gist ina renaschientscha. En Engiadina Bassa han l’emprim be in per paucs amis da la lutga puspè cumenzà da trenar. Cun ir dal temp èn vegnids anc dapli vitiers. Actualmain s’entaupan diesch giuvenils sin il campadi da Sur En da Sent per trenar ina giada l’emna ils divers «griffs» e «schwungs» da la lutga. Sut la batgetta da l’anteriur lutgader e trenader Jon Fadri Carpanetti emprendan ils giuvens tge ch'è in «Kurz», in «Gammen» ni in «Hüfter».

audio
Impressiuns dad in trenament a Sur En
03:29 min, Actualitad dals 20.08.2021.
laschar ir. Durada: 03:29 minutas.

Finamira da pudair trenar era durant ils mais d’enviern

Perquai èn ils amis dal sport da lutga en Engiadina Bassa a la tschertga dad in local da trenament, nua ch'els pon far lur sport era ils mais pli fraids. Per il mument è dentant la plazza da lutga a Sur En il dachasa dals lutgaders en Engiadina Bassa. Cun bler premura ed anc dapli plaschair han els drizzà en a l’ur dal campadi lur plazza.

audio
Jon Fadri Carpanetti mussa la lutga
03:35 min, Actualitad dals 20.08.2021.
laschar ir. Durada: 03:35 minutas.

RTR actualitad 07:00

Artitgels legids il pli savens

Scrollar a sanestra Scrollar a dretga