Siglir tar il cuntegn

Header

video
Giger bitta Müllenstein sin il dies
Or da Sport-Clip dals 11.07.2021.
laschar ir
cuntegn

Lutga Giger gudogna al Rigi e Käser en la Svizra franzosa

Gist trais festas da lutga han gì lieu questa dumengia, numnadamain la festa dal Rigi, la Fête Romande e la festa da la Part Sura Bernaisa.

Samuel Giger dominescha lutga dal Rigi

Samuel Giger gudogna la lutga dal Rigi. Il svizzer dal nordost ha battì en l'ultima lutga ses adversari Mike Müllestein. Il giuven da 23 onns ha dumagnà da metter Müllestein suenter radund 6 minutas sin dies. Giger ha decidì tut ils cumbats per el, uschia er il duel en la quarta runda, nua ch'el era gia ina giada fruntà sin Müllestein.

Remo Käser gudogna la Fête Romande

A la Fête Romande ha Remo Käser battì en l'ultima runda Lario Kramer. Quel è vegnì suenter quella terrada sin plaz 5. Segund da la festa ad Oron-la-ville è vegnì Romain Collaud e sin il terz plaz suonda Christian Schuler.

video
Remo Käser gudogna la Fête Romande
Or da Sport-Clip dals 11.07.2021.
laschar ir

Proxim'emna vai vinavant cun la lutga da Weissentein.

Aeschbacher e Kämpf èn ils victurs al Brünig-Hasliberg

Matthias Aeschbacher ha gudagnà la festa da lutga da la Part Sura Bernaisa. En l'ultima runda ha el battì Kilian von Weissenfluh en la 10avla minuta. Aeschbacher parta ses emprim plaz cun Bernard Kämpf, omadus cun mintgamai 58,25 puncts.

Curdin Orlik ch'è oriund dal Grischun suonda sin plaz dus ensemen cun Adrian Walther, Josias Wittwer, Sven Klossner e Dominik Gasser. Mintgin dad els ha fatg 57,25 puncts.

RTR novitads 17:00

Artitgels legids il pli savens

Scrollar a sanestra Scrollar a dretga