Il lutgader Nöldi Forrer terminescha per immediat sia carriera. Pervi da problems cun la schanuglia, e damai che la motivaziun na saja betg pli 100% chala il lutgader da 43 onns. Damaun a la lutga sin la Schwägalp datti l'adia uffizial.
Il punct culminant ha Nöldi Forrer cuntanschì il 2001 cun daventar retg da la lutga a Nyon cun be 22 onns. En tut ha el gudagnà sis tschupels federals, 46 festas da tschupels ed è cun 151 tschupels il lutgader cun il pli grond success en l'istorgia da l'uniun da lutga svizzer.