Samuel Giger triumfescha a la festa da lutga dal Nordost da la Svizra, ch'ha gì lieu en ses chantun d'origin, la Turgovia. En la lutga finala ha Giger battì il Songagliais Werner Schlegel cun la nota maximala 10. Igl è la 26avla victoria d Giger tar ina festa da cranz.
In zic nunusità è stà per il victur ch'el n'ha tar sias emprimas tschintg victorias dal di betg survegnì ina giada la nota maximala. Meglier Grischun è daventà Armon Orlik, el è sin plaz 2 ex aequo cun Werner Schlegel.
