Siglir tar il cuntegn
Inhalt

Lutga Armon Orlik sto far pausa sfurzada

Nauschas novas per il lutgader grischun Armon Orlik. Pervi d'ina blessura dal schanugl sto el far pliras emnas pausa.

Joeck Wicki ed Armon Orlik.
Legenda: En la runda finala cunter Joel Wicki è Armon Orlik (dretg) sa blessà vid in schanugl. Keystone

Sco quai che la pagina d'internet Südostschweiz rapporta, è il lutgader da 23 onns da Maiavilla sa blessà a la lutga finala sin la Rigi cura ch'el ha pers cunter Joel Wicki.

Armon Orlik manchenta uschia la lutga al Weissenstein ils 21 da fanadur e fitg probabel er la Festa da lutga nordoccidentala a Basilea ils 5 d'avust. En vista al punct culminant sin la Schwägalp è la blessura ina rebattida.

RR novitads 14:00