Siglir tar il cuntegn

Header

Armon Orlik sto trenar persul
Legenda: Armon Orlik sto trenar persul RTR, Roman Dobler
cuntegn

Lutga Armon Orlik sto trenar sulet sin la nova stagiun

Armon Orlik è sa chapescha era pertutgà dal scumond da trenar en gruppas. Il meglier lutgader grischun emprova tuttina da restar en furma.

Dapi stgars trais emnas na marscha nagut pli en il mund dal sport. Il Cussegl federal ha decidi ensemen cun il BAG da scumandar tut las occurrenzas da sport. Scumandà è era la gestiun da trenament. Uschia na san ils lutgaders era far en il mument nagut auter sco da trenar sulet.

Il scumond dat anc in zichel peda ad Armon Orlik

Pervia dad ina blessura dal dies ha Armon Orlik stuì cumenzar pli tard cun il trenament sin la nova stagiun. Pir il schaner è il meglier lutgader grischun puspè turnà en il resgim. Durant il curs da repetiziun dal militar il favrer a Magglingen ha il lutgader da Maiavilla lura cumenzà da augmentar l’intensitad dals trenaments. Las valurs eran bunas. Tuttina n'era Armon Orlik anc betg sin il livel dad auters onns.

Trenar sulet la tecnica da lutga

En il sport da judo è la metoda da trenament persul, il uschenumnà ‘Uchi Komi’, pli derasà. L’atlet sa cun questa tecnica trenar tscherts andaments dals moviments tut persul. Cun quai che Armon Orlik ha l’emprim era fatg judo è quai per el simpel da duvrar questa tecnica era en il sport da lutga. El trenescha quests moviments cun ina poppa u lura sulet encunter sia atgna sumbriva.

RTR Sportissimo 17:06

Artitgels legids il pli savens

Scrollar a sanestra Scrollar a dretga