audio
Saira: NOS 2017 sut tetg – resuns positivs
ord Actualitad dals 19.06.2017.
laschar ir. Durada: 2 minutas 43 Secundas.Ils lutgaders enturn Armon Orlik sco era ils radund 5’000 visitaders al NOS han laschà plaschair la festa da lutga en il stadion. I saja stà in bel sentiment en questa arena da lain che saja fitg agreabla. Vinavant saja stà ina fitg bun’atmosfera manegia Armon Orlik ch’ha pers la lutga finala cunter Samuel Giger.
Er ils visitaders han per gronda part giudì la festa sut tetg. Mintgin ha giu ses plaz sin ina buna sutga e cun ina buna vista sin ils tschintg rintgs da resgim. Ma tuttina, quai na duessi betg dar ina disa da manar atras festas da lutga en ina halla u en in stadion, pertge il sport da lutga duessi restar in sport ora en il liber sut tschiel avert, manegian visitadras e visitaders dal NOS 2017.
RR actualitad 17:00