Siglir tar il cuntegn

Header

cuntegn

Lutga Da cumpagnia a la Festa federala da lutga

Burtel Thom e ses amis da Scuol van dapi passa 20 onns adina a la Festa federala da lutga. Il club tegna ils poleschs ad Armon Orlik e Samuel Giger.

Mintga trais onns s’organisescha in pitschen club enturn Burtel Thom da Scuol per ir a la Festa federala da lutga. L’anteriur gimnast ed ami da bittar il crap dad Unspunnen è dapi l’onn 1995 fascinà dal sport da lutga. Dapi lura è el stà ensemen cun in per amis a mintga festa da lutga federala.

83.5 kilos paisa il crap dad Unspunnen

Fascinà dal sport da lutga ha Burtel Thom era cumenzà da s’interessar per bittar il crap dad Unspunnen. Pir en la vegliadetgna da 54 onns ha el cumenzà da trenar e da bittar il crap il pli enconuschent da la Svizra. Uschia ha el era pudì sa participar a las festas federalas l’onn 1995 a Cuira, l’onn 1998 a Berna ed anc ina giada l’onn 2001 a Nyon. L’atmosfera en l’arena durant il final da bittar il crap è stà per Burtel Thom insatge singular e fitg spezial.

audio
Burtel Thom va cun ses amois a la festa federala
ord Actualitad dals 20.08.2019.
laschar ir. Durada: 3 minutas 34 Secundas.

Bigliets atras la Societad da lutga engiadinaisa

L’interess per la festa da lutga federala a Zug è immens. Ils 56’500 bigliets per l’arena èn vendids ora gia dapi mais. Il club enturn Burtel Thom ha dentant savì organisar ses bigliets per il spectacul da lutga atras la Societad da lutga engiadinaisa. Tut ils tschintg amis han survegnì bigliets è san puspè esser da la partida tar la festa.

RR actualitad 11:00

Artitgels legids il pli savens