Il lutgader dal Entlebuch gudogna uschia cun 27 onns la 125avla ediziun da la lutga sin il Brünig. Gia a la lutga sin la Rigi (3. rang) e sin il Stoos (4. rang) aveva Frankhauser mussà buns resultats. La victoria sin il Brünig è però plitost ina surpraisa. Dapi il 2010 va la victoria per l'emprima giada puspè en la Svizra centrala.
Lutgaders grischuns han pausa
Ils lutgaders grischuns vegnan lura puspè en acziun l'emna proxima a la lutga dal Sertig a Tavau che ha lieu per la 85avla giada. Ils megliers, Armon Orlik u er Sandro Schlegel, ston actualmain però far pausa pervi da blessuras.
Uschia ha il mument il lutgader d'Almens, Ursin Battaglia, il lead en il team grischun. Il lutgader tutga cun ses 32 onns e quatter cranz gia tar ils rutinads. Ses emprim cranz ha el gudagnà gia il 2005.
RR novitads 18:00 / Sportissimo 17:00