Siglir tar il cuntegn

Header

cuntegn

Gartmann e Biäsch Sco giuven a la festa da lutga

Mauro Gartmann da Flearda e Christian Biäsch da Tavau èn ils lutgaders grischuns ils pli giuvens che van a la Festa federala a Zug.

Armon Orlik è senza dubi il leader da l’equipa grischuna che va a la Festa federala a Zug. Sper il lutgader da Maiavilla pon ulteriurs lutgaders grischuns participar al pli grond ed impurtant eveniment da lutga da questa stagiun. Ils pli giuvens Grischuns èn Mauro Gartmann da Flearda e Christian Biäsch da Tavau. Per Gartmann è la festa a Zug perfin ina premiera. Biäsch è stà gia avant trais onns ad Estavayer da la partida.

audio
Ils lutgaders giuvens Gartmann e Biäsch san ir a Zug
ord Actualitad dals 22.08.2019.
laschar ir. Durada: 3 minutas 6 Secundas.

Bunas prestaziuns han purtà la nominaziun

Mauro Gartmann e Christian Biäsch han mussà durant questa stagiun lur meglras prestaziuns. Omadus han fatg in grond pass enavant. Gartmann ha gudagnà fin da qua trais cranzs, in da quels perfin tar ina festa da plirs chantuns, tar il NOS a Hallau.

Era Christian Biäsch ha pudì far il proxim pass. Suenter ses temp en il chantun Berna, nua ch'il cuschinunz ha anc fatg l’emprendissadi da mazler, è el uss propi sin in auter nivel. Biäsch ha pudì trenar durant ses temp en il chantun Berna cun ils lutgaders da l'Emmental, e quai al ha purtà vinavant.

RR actualitad 11:00

Artitgels legids il pli savens