Lutga - Il retg Matthias Glarner croda plirs meters ord ina cabina
Il retg da la lutga Matthias Glarner è sa blessà grevamain. Sco la polizia chantunala bernaisa communitgescha saja Glarner crudà ord ina cabina a Hasliberg. Il Bernais saja crudà plirs meters. La Rega haja transportà el en l’ospital. Davart las blessuras na datti anc naginas indicaziuns uffizialas.
Legenda:
Il retg da lutga era anc la fin d'emna passada en acziun a la festa da la Part Sura Bernaisa.
Keystone
L’accident saja capità durant in fotoshooting per in magazin. Glarner lavura per las pendicularas Meiringen-Hasliberg. Glarner saja sa blessà vi da la batschida ed il giarlet, ha confermà la polizia.
Grazia a sia victoria èn il final cunter il Grischun Armon Orlik è Matthias Glarner daventà l'onn passà retg da la lutga.
