Lutgar per entschaividers

En il manual da lutgar da l'associaziun federala chattan ins passa 100 schlantschs. Tgi che sa tge ch'il da chalun, il curt, il Brienzer, il pur ed il sursigl èn, enconuscha gia ils schlantschs principals da la lutga.

Il curt (Kurz). Avrir maletg en lightbox.

Legenda da maletgs: Il curt (Kurz). Keystone

Il curt (Kurz)

Il schlantsch ch’ils lutgaders dovran il pli savens è il Kurzzug. Igl è il schlantsch il pli logic, perquai emprendan ils giuvens lutgaders quel sco in dals emprims. I dat duas variantas generalas. In dals lutgaders tira tschel cun corp serrà e vulvì lev a la dretga, sa fa liber e bitta quel cun Kurz. Sa defenda l’adversari cun ina parada da schanugl, fa il lutgader ina finta per bittar il cumpogn.

Il sursigl (Übersprung). Avrir maletg en lightbox.

Legenda da maletgs: Il sursigl (Übersprung). Keystone

Il sursigl (Übersprung)

Il sursigl è in dals pli simpels moviments. In dals lutgaders fa svelt ina finta curta. Lura volva el sveltamain a sanestra u enavos.

Suenter la vieuta, siglia el cun la chomma dretga uschè profund sco pussaivel davos la chomma dretga da l’adversari.

Cun duvrar fermamain il corp sura bitta il lutgader la finala l’adversari directamain sin il dies.

Il Brienzer. Avrir maletg en lightbox.

Legenda da maletgs: Il Brienzer. Keystone

Il Brienzer (Brienzer)

Dal schlantsch dal Brienzer datti diversas versiuns. Uschia èsi per exempel pussaivel da far il Brienzer dadens, il Brienzer dadora, il Brienzer liber u era cumbinaziuns dal Brienzer. Tar il Brienzer classic vegn l'adversari bess cun ina ferma stratga enavant, cun il chau ordavant sin il dies. Il lutgader cumenza il Brienzer cun ina vieuta a dretg e tschappa l'adversari cun il maun sanester sur la spatla u sur la tatona da l'adversari. La chomma sanestra metta el davos la chomma dretga da l'adversari. Lura vegn la stratga.

Il da chalun (Hüfter). Avrir maletg en lightbox.

Legenda da maletgs: Il da chalun (Hüfter). Keystone

Il da chalun (der Hüfter)

Il da chalun è sumegliants al curt. Fertant ch’i dovra tal curt massa forza ord la bratscha, vegn il schlantsch tar il schlantsch da chalun per gronda part ord dal chalun. Il da chalun è punct da partenza per differents schlantschs sco per exempel il Brienzer. In dals lutgaders tschappa l’adversari cun il maun sanester vid la tschinta fin ch’il maun dretg è vid il bratsch sura dretg. Uss siglia il lutgader uschè bass sco pussaivel cun il chalun sanester sut l’adversari ora.

Il pur (Buur). Avrir maletg en lightbox.

Legenda da maletgs: Il pur (Buur). Keystone

Il pur (der Bauer)

Il pur è in schlantsch giun plaun che duai, ina giada che l’adversari è a tiara, buc pli pussibilitar a quel da levar en pe. Era il schlantsch dal pur datti en differentas versiuns. Cura ch’il lutgader ha dumagnà a terra ses adversaris blochescha el cul «Gurtgriff» ses adversari cul corp sura.