NOS a Tavau: Festa da lutga en la halla da glatsch

I n'è betg in novum, ma tuttina èsi spezial: In'occurrenza da lutga en la halla da glatsch a Tavau.

Halla a Tavau. Bild in Lightbox öffnen.

Legenda da maletgs: Per ina giada na vegn betg dà hockey en la halla da glatscha a Tavau. Keystone

En in mais cumbattan ils megliers lutgaders dal Nordost da la Svizra a Tavau per il titel dal retg da lutga. Suenter che la lutga n'era betg pli stada durant tschintg onns en il Grischun, è l’eveniment grond puspè ina giada en nossa regiun – questa giada dentant en la halla da glatsch da Tavau.

«  Lutga e la halla da glatsch da Tavau – quai sa cunfa simplamain. »

Reto Keller
president comité d’organisaziun NOS a Tavau

Il motiv per far ina giada ina lutga en la halla da glatsch da Tavau è detg simpel: La halla da glatsch porscha gia ina buna infrastructura. E sa chapescha porscha la halla da glatsch era in tetg. Uschia che l’aura n'ha nagina influenza sin la concurrenza.

«  I po esser ch'i dat naiv il fanadur a Tavau. Nus na vulain betg esser dependent da l’aura. »

Reto Keller
president dal comité d'organisaziun NOS a Tavau

Che la lutga sa cunfa cun la halla da glatsch a Tavau mussan era las cifras da la prevendita. Ina buna part da las 3’500 plazzas da seser èn gia vendidas. Sper quellas stattan era anc radund 3’000 plazzas da star sin pe a disposiziun.

RR actualitad 12:00