Siglir tar il cuntegn

Header

Navigaziun

cuntegn

Lutga Orlik gudogna lutga grischuna-glarunaisa

Sco emprim ha Armon Orlik gudagnà per la quarta giada en seria la lutga grischuna-glarunaisa. En la lutga finala ha Armon Orlik mess Sandro Schlegel en dies suenter gnanc duas minutas.

Il grond favurit a la lutga grischuna-glarunaisa ha era dominà quella. Armon Orlik ha fatg curtas cun ses adversaris. Ha gudagnà tut ses 5 duels en il resgim a Cazas (Samir Leuppi, Shane Dändliker, Roger Rychen, Roman Schnurrenberger, Raphael Zwyssig). Sandro Schlegel, il lutgader da Fideris, ha sin sia via en il final pers in duel. En il cumbat per il titel ha Schlegel gì naginas schanzas encunter il favurit. Suenter be 1:50 minutas ha Orlik gì el en dies en il resgim.

Orlik scriva istorgia a la grischuna-glarunaisa

Il lutgader da Maiavilla è l'emprim en l'istorgia da la lutga grischuna-glarunaisa che vegn da gudagnar 4 giadas en seria la festa. Insumma va Armon Orlik da victoria a victoria en questa stagiun. A tuttas 4 festas da cranz ch'el è stà ha el triumfà. En sia carriera èsi uss il 16avel cranz che Orlik gudogna. Il Grischun ha sia furma che constat. Ed è uschia è en il ravugl dals favurits per il punct culminant da la stagiun. La festa da lutga federala ch'è l'avust a Zug.

6 cranzs grischuns a la lutga da chasa

Dus Grischuns en la lutga finala a Cazas ed en tut 6 cranzs per lutgaders grischuns. Ina festa da chasa gartegiada en blers reguards, conferma era il manader tecnic dals lutgaders grischuns, Reto Attenhofer.

Emprim cranz per in dals giuvens Grischuns

Dals 6 cranzs che lutgaders grischuns han gudagnà a la festa grischuna-glarunaisa è in ina premiera. Il giuven Corsin Jörger da Domat gudogna ses pli emprim cranz da la carriera, e quai quasi avant isch-chasa.

A la festa da lutga grischuna-glarunaisa èn 149 lutgaders ids ids en il resgim. 40 Grischuns ed 8 ch'èn vegnids a Cazas, èn lutgaders cun cranz federal. Il spitachel en il resgim ha carmalà da quai da 3'000 aspectaturs.

RR sportissimo 12:00+