Siglir tar il cuntegn

Header

cuntegn

Public viewing a Sumvitg Sa sentir in zic sco en l’arena a Zug

A la Festa federala da lutga a Zug vegnan spetgads radund 300’000 visitaders. Bunamain 60’000 vegnan a seser en l’arena, a l’ur dal resgim per mirar tgi che daventa il nov retg da lutga.

La chatscha sin ils bigliets per quella Festa federala a Zug è stada immensa. Giu il cletg da survegnir in bigliet han mo paucs. A chasa sto perquai er Manuela Orlik star, in’onda dals frars lutgaders Armon e Curdin Orlik. Mo per tuttina sentir in zic il puls da quest punct culminant organisescha Manuela Orlik en sia Ustaria Miraval sur Sumvitg in public viewing, quai per in e scadin. E qua na dovra nagin in bigliet.

audio
Mezdi: Sumvitg – Public viewing per la Festa da lutga federala
ord Actualitad dals 21.08.2019.
laschar ir. Durada: 3 minutas 23 Secundas.

Famigliar sco tar ina festa da lutga

Seser persula avant la televisiun e persequitar las lutgas dals nevs Armon e Curdin na saja betg stà fitg motivant, di Manuela Orlik. Ed uschia è l’idea naschida da metter sin pe in public viewing almain al di final da la Festa federala a Zug.

La damaun datti cornets e café, sco quai ch’igl è usit ad ina festa da lutga. Da mezdi spetga lura ina liongia giu dal gril cun ina gervosa. Simpel e famigliar, sco ad ina festa da lutga, uschia giavischa Manuela Orlik ses public viewing. Ella spera sa chapescha sin ina buna cumpagnia e sin bunas lutgas da Curdin ed Armon che tutga sco avant trais onns ad Estavayer tar in dals favurits sin il titel da retg da lutga.

RR actualitad 11:00

Artitgels legids il pli savens