L’anteriur lutgader oriund da Fidaz sper Flem sa legra uschia er puspè d’avair dapli temp per sia famiglia. Reto Attenhofer è bab da trais uffants ed abitescha oz a Panaduz.
Durant ils davos sis onns ha Reto Attenhofer astgà festivar bain inqual success cun ses lutgaders grischuns. Il punct culminant è franc stà la lutga finala a la festa federala il 2016 ad Estavayer-le-Lac cura ch’Armon Orlik da Maiavilla ha cumbattì per il titel da retg da lutga. Triumfà ha la finala dentant il Bernais Matthias Glarner.