Anc strusch stà sin ils skis da passlung, ma lura ir a la partenza dal 50avel Maraton da skis engiadinais. Serafin Beer (28) da Mustér n’ha tant sco nagina experientscha da passlung ed ha ristgà l'aventura – Nus avain accumpagnà il noviz.
Serafin Beer ha duvrà 4:38.30 uras per ses emprim maraton sin il skis da passlung, bun trais giadas pli ditg ch'il victur, Roman Furger. Cunquai ha Serafin cuntanschì la finamira sportiva, quella da cuntanscher e vegnir a temp en l'arrivada.
audio
Intervista cun Serafin Beer suenter l'arrivada a S-chanf
04:24 min, ord Sportissimo dals 11.03.2018.
laschar ir. Durada: 4 minutas 24 Secundas.
I saja stà dir, ma in'aventura tut speziala ed el saja losch d'avair dumagnà quest maraton, quai senza grond trenament ed experientscha da passlung, ha Serafin Beer ditg suenter l'arrivada a S-chanf. Tgi sa, forsa saja el puspè a la partenza al 51avel Maraton da skis engiadinais 2019.
audio
Bunura: Serafin Beer sin visita en il studio suenter maraton
06:11 min, ord Actualitad dals 12.03.2018.
laschar ir. Durada: 6 minutas 11 Secundas.
1 / 11
Legenda:
Serafin Beer (san.) curt avant sia premiera al Maraton da skis engiadinais ed Andreas Wieland ch'accumpogna ses currider sin quest viadi da Malögia a S-chanf.
RTR, Flavio Deflorin
2 / 11
Legenda:
L'emprim buglion è gia stà merità, curt suenter Segl.
RTR, Andreas Wieland
3 / 11
Legenda:
Per in mument è Serafin Beer schizunt stà a la testa d'ina gruppa tras il guaud da Staz.
RTR, Andreas Wieland
4 / 11
Legenda:
Tras il guaud da Staz: Prest è cuntanschì la mesadad dal maraton.
RTR, Andreas Wieland
5 / 11
Legenda:
Serafin Beer: Mo anc sur l'En, e lura en l'arrivada …
RTR, Andreas Wieland
6 / 11
Legenda:
A Zuoz ha Serafin Beer anc ina giada prendì peda per baiver e tancar forzas per ils davos kilometers.
RTR, Andreas Wieland
7 / 11
Legenda:
«Flamme rouge» - Sin Serafin Beer spetga anc in sulet kilometer.
RTR, Andreas Wieland
8 / 11
Legenda:
Igl è dumagnà: Andreas Wieland (RTR) e ses currider Serafin Beer han cuntanschì l'arrivada a S-chanf.
RTR, David Spinnler
9 / 11
Legenda:
Ina medaglia bain meritada per Andreas Wieland (RTR) e ses curridur Serafin Beer.
RTR, Flavio Deflorin
10 / 11
Legenda:
Serafin Beer (28) da Mustér ha ristgà ses emprim Maraton engiadinais suenter esser stà 4 giadas sin ils skis da passlung.
RTR, Flavio Deflorin
11 / 11
Legenda:
Serafin Beer ha survegnì regalà ina partenza gratuita per il 51avel Maraton engiadinais 2019.
RTR, Andreas Wieland
