Maraton da skis engiadinais - Uras ed uras en viadi – per porscher in vial da loipa perfect
Samuele Reis e Robert Luzi èn responsabels che las loipas tranter Brail e La Punt Chamues-ch èn adina en in bun stadi. Passa 400 uras han els gia fatg questa stagiun cun lur maschina da far loipas. La gronda finamira finala è mintg’onn il Maraton da skis engiadinais.
Legenda:
Samuele Reis durant sia lavur sin loipa.
RTR, Anna Caprez
2 / 8
Legenda:
La cabina da la maschina da far loipas è bunamain la stiva da Samuele Reis.
RTr, Anna Caprez
3 / 8
Legenda:
D'ina vart il fastiz per il stil classic, da l'autra ina surfatscha per peduns e per skating.
RTR, Anna Caprez
4 / 8
Legenda:
Robert Luzi e Samuele Reis davant lur «collavuratura».
RTR, Anna Caprez
5 / 8
Legenda:
Robert Luzi e Samuele Reis, ils dus manaschunz en la regiun La Plaiv.
RTr, Anna Caprez
6 / 8
Legenda:
Röbi Luzi maschina dapi 40 onns la maschina da far loipas.
RTR, Anna Caprez
7 / 8
Legenda:
Trair mintga di novs vials per ils millis e millis da passlunghists.
RTR, Anna Caprez
8 / 8
Legenda:
Concentraziun totala tar Röbi Luzi durant sia lavur.
RTr, Anna Caprez
Els tiran mintga di cun lur maschinunas durant uras ils fastizs tras la naiv. Savens èn els sulet sin las loipas, causa che la gronda part da la lavur vegn fatga la saira, durant la notg u era la damaun baud. I dependa adina da l’aura e da las temperaturas.
La pli segira prognosa da l’aura è anc adina d'avrir la fanestra e guardar sez tge ch’i vegn.
Quest enviern saja stà in fitg bun, causa che la naiv è gia crudada il cumenzament da december, manegia Robert «Röbi» Luzi. L’um da S-chanf è il 40avel onn en viadi cun ina maschina che fa loipas.
audio
Mezdi: Maraton da skis 2019 – Cun la maschina da loipas
04:10 min, ord Actualitad dals 06.03.2019.
laschar ir. Durada: 4 minutas 10 Secundas.
Gronds midaments
Durant ils davos quatter decennis n’haja betg be dà grondas midadas a reguard il stil da far passlung. Er la tecnica da la maschina s’ha sviluppada fermamain. Via ina app pon ins perfin vesair nua e cura che las maschinas da far loipas èn precis en acziun en Engiadin’Ota. Quai na disturba insumma betg Samuele Reis, ch’el fetschia simplamain sia lavur – fin ch’ella è fatga.
