Per Tadesse Abraham è il maraton olimpic ì a fin cun ina trumpada. Il Genevrin da 38 onns ha stuì dar si la cursa suenter radund 30 kilometers. Avant tschintg onns a Rio de Janeiro è Abraham anc vegnì setavel.
Aur per la Kenia
Defendì ses titel da campiun olimpic ha Eliud Kipchoge. Il Kenian da 36 onns è currì ils 42 kilometers en 2:08:38 uras. Pervi da la gronda chalira è er il maraton dals umens stà a Sapporo e betg a Tokio.