Siglir tar il cuntegn

Header

Legenda: Team che ha organisà la cuppa mundiala RTR, Georg Luzzi
cuntegn

Maraton e cuppa mundiala Tut ha funcziunà sco planisà

Il CEO Menduri Kasper è ses team han organisà la cuppa mundiala e la cursa Maraton individual. Els han gì duas emnas plain stress, ma finalmain ha tut funcziunà sco planisà.

audio
Kasper: «Mintgin saveva, tge ch'el ha da far»
03:12 min, Actualitad dals 15.03.2021.
laschar ir. Durada: 03:12 minutas.

Las cundiziuns da naiv eran bunas ed era l’aura ha manegià bain cun ils organisaturs. Il team enturn il CEO Menduri Kasper haja funcziunà fitg bain, els han gì agid da blers voluntaris. Tranter auter er dad organisaturs da las cursas dal «Tour de ski» en Val Müstair. Ultra da quai haja er funcziunà fitg bain la collavuraziun cun il FIS.

Igl è stà la segunda giada ch'il Maraton da skis engiadinais n’ha betg pudì vegnir manà tras sco usità. A la cursa individuala han piglià part radund 2’500 curriduras e curridurs. Il CEO Menduri Kasper spera ussa, ch'ins dastgia tar la proxima cursa, il mars 2022, puspè beneventar tut las radund 14’000 passlunghistas e passlunghists
en Engiadina.




RTR actualitad 17:00

Artitgels legids il pli savens

Scrollar a sanestra Scrollar a dretga