Dal campiunadi mundial sut 23 onns en Norvegia a la cursa da las dunnas. Quai è per il mument il program da Giuliana Werro. Il termin da l’emprima cursa che stat en connex cun il Maraton da skis engiadinais sa cunfa questa giada cun il program da Giuliana Werro. Uschia na lascha ella betg ir l’occasiun da far part a la cursa.
17 kilometers da Samedan a S-chanf
La cursa da las dunnas datti dapi passa dus decennis. Sco quasi tut las autras occurrenzas, n’ha era betg la cursa da la dunnas gì lieu ils ultims dus onns. Uss dentant è tut pront per la cursa. Perquai èn dunnas da l’elita a la partenza, sco era passlunghistas che fan quest sport per hobi.
Cunquai che mo dunnas èn da la partida han ins la pussaivladad da cumbatter direct cun las concurrentas. L’orientaziun è pia tar la cursa da dunnas pli simpla. Tar il maraton ordinari è quai auter. Là partan las dunnas ensemen cun ils umens.