L'ultima terrada cunter il FC Turitg è stada ina damemia per il trenader dals Young Boys Raphael Wicky. El sto perquai rumir ses post da trenader. Sper las prestaziuns en la Super League è anc vegnì vitiers che YB è crudà or en la cuppa svizra cunter Sion sco er en l'Europa League cunter Sporting Lissabon.
Ad interim surpenda Joël Magnin l'equipa bernaisa.
Dapi stad 2022 a Berna
Wicky aveva surprendì l'equipa la stad 2022 e gì in fitg bun emprim onn cun gudagnar da moda suverana il titel da campiun svizzer sco er triumfar en la cuppa svizra. Er per la Champions League èn ils Bernais sa qualifitgads. Suenter quests success hai dentant adina puspè dà critica ed i pareva betg ch'ils responsabels prolungheschan propi il contact da Wicky che fiss i a fin la stad.