Siglir tar il cuntegn

Header

cuntegn

Moto Victoria da start fin a l'arrivada per Bagnaia

Francesco Bagnaia gudogna a moda suverana a Portimão la penultima cursa da la MotoGP. En la Moto3 è Pedro Acostà daventà il pli giuven campiun da GP dapi 30 onns.

Cumenzà cun la pole, ha Francesco Bagnaia tegnì la top posiziun ed è er ì tras l'arrivada sco emprim. Quai è sia 13avla victoria da GP e ses terz en la classa roiala.

Bagnaia gudogna suenter che cursa è vegnida rutta giu
Or da Sport-Clip dals 07.11.2021.

Il Talian da 24 onns è stà cun radund duas secundas e mez en avantatg davant il segund Joan Mir da la Spagna. Terz è vegnì l'Australian Jack Miller. La cursa ha stuì vegnir rutta giu pervi d'in incap tranter il Portugais Miguel Oliveira e il Spagnol Iker Lecuona.

Il Franzos Fabio Quartararo n'ha betg pudì finir la cursa da l'Algarve. Il campiun dapi duas emnas, è crudà cun sia Yamaha ed ha uschia l'emprima giada dapi 17 cursas puspè pudì scriver nulla puncts.

Campiun mundial Quartararo sgola ora
Or da Sport-Clip dals 07.11.2021.

Victoria e titel en Moto3 per Acosta

Pedro Acosta ha gudagnà la cursa a Portimão e quai a moda suverana. Il Spagnol da Murcia ha gudagnà cun quai sia sisavla cursa durant la staziun, uschia ch'el ha gudagnà sco emprim rookie dapi Loris Caipirossi il 1990, gist sia emprima stagiun.

purtret dad Acosta
Legenda: Emprima stagiun da GP e gia campiun mundial: Pedro Acosta ha persvas durant questa stad. Keystone

Cun 17 onns e 166 dis è Acosta il segund giuven campiun da GP ch'i ha insumma dà. El è be in di pli vegl che Caipirossi avant 31 onns. L'entschatta da la stagiun ha Acosta gudagnà trais da sias emprimas quatter cursas e da quai ina or da la boxa.

RTR novitads 16:00

Artitgels legids il pli savens

Scrollar a sanestra Scrollar a dretga