Siglir tar il cuntegn

Header

video
Dal 2002 fin il 2021: la carriera da Tom Lüthi a la sperta
Or da Sport-Clip dals 19.08.2021.
laschar ir
cuntegn

Moto2 Tom Lüthi chala cun la fin da la stagiun

Il motociclist svizzer Tom Lüthi terminescha sia carriera cun la fin da la stagiun. Cumenzà a far cursas da töf ha il pilot da l'Emmental da 35 onns il 2002 sin il Sachsenring. Il punct culminant da sia carriera ha el cuntanschì trais onns pli tard, cura ch'el è vegnì campiun mundial en la categoria 125.

En la categoria Moto2 è Lüthi daventà il 2016 e 2017 mintgamai vice-campiun mundial ed il 2019 è el vegnì terz. En tut ha Lüthi gudagnà 17 cursas e fatg 65 plazzas da podest.

Schef da sport e manager

Lüthi resta però fidaivel al sport da töf. D'ina vart vegn el schef da sport tar il team tudestg da Moto3 PrüstelGP, da l'autra vart s'engascha el tar la promoziun dals juniors svizers e surpiglia il management da Noah Dettwiler (16).

RTR novitads 12:00

Artitgels legids il pli savens

Scrollar a sanestra Scrollar a dretga