Il töffist Dominique Aegerter defenda ses titel sco campiun mundial en la categoria Supersport. Quai è gia cler trasi cursas avant la fin da la stagiun. En l'emprima da duas cursas sin l'insla Lombok en l'Indonesia è il Bernais da 32 onns vegnì quart. Uschia ha el avunda puncts che ses persequitader Lorenzo Baldissari na damogna betg pli vegnir suenter.
Stagiun plain success
Per Aegerter èsi stà ina stagiun da record: Nagin avant el ha gudagnà 15 giadas e stà 17 giadas sin il podest. Er en la classa da moto-E ha el pudì festivar quest onn la victoria finala. L'onn che vegn avanza el en il campiunadi mundial da Superbike.