La ciclista svizra Camille Balanche po festivar sia emprima victoria en la cuppa mundiala dal mountainbike. A Leogang en l'Austria ha la Neuchâtelaisa gudagnà l'emprima cursa da downhill da la stagiun. Balanche ha gudagnà cun radund 3 secundas e mez avant l'Austriaca Valentina Höll e la Slovena Monika Hrastnik. Segund meglra Svizra è stada Emilie Siegenthaler sco 7avla.
L'ultima Svizra che ha gudagnà ina cursa da la cuppa mundiala dal downhill è stà il 2007 Marielle Saner.