Al campiunadi europeic a Novi Sad en Serbia han ciclists e ciclistas svizzers gudagnà la medaglia d’argient en la concurrenza da team. Pli sperts che Vital Albin, Nils Aebersold, Alessandra Keller, Jacqueline Schneebeli, Lea Huber ed Alexandre Balmer è stà be il team da l'Italia ch’han uschia pudì defender lur titel cun in avantatg da 18 secundas. Bronz cun dischavantatg da 16 secundas han gudagnà ils Tudestgs.
Tar temperaturas da 30° ha pers il team svizzer gia en l'emprima fasa da la cursa bler temp, suenter che Vital Albin era crudà.
Las olimpionica Jolanda Neff e Sina Frei, l'olimpionic Matthias Flückiger ed il campiun europeic 2020 Nino Schurter na partan betg a las concurrenzas d'elita ch'han lieu la fin d'emna. Els sa concentreschan sin il campiunadi mundial da la fin d'avust en l'Italia.