Siglir tar il cuntegn

Header

Legenda: Ils novs trenaders a la banda da l'EHC Cuira, da san. Gerhard Bjoern (trenader assistent), Jan e ses frar Reto von Arx (trenaders) vulan manar il club enavos al success. Keystone
cuntegn

MySports League Cuira gudogna derbi grischun ad Arosa

L’EHC Cuira ha gudagnà l’emprim derbi grischun encunter il EHC Arosa dapi il schaner 2020. L’equipa da la chapitala ha battì l’equipa dal Scanvetg ordaifer cun 3:1. Per Cuira èsi l’emprima victoria suenter trais terradas en seria.

Decisiun gia en l'emprim terz

Per la differenza ha l’equipa da Cuira - che vegn trenada dapi intginas emnas dals dus frars en anteriurs stars da hockey en Svizra, Reto e Jan von Arx - procurà gia en l’emprim terz. Suenter 20 minutas manava Cuira numnadamain gia cun 3:0. L’emprima duscha fraida per Arosa hai dà gia en la segunda minuta cura che Cedric Sieber ha tuc al 1:0. Be 7 minutas pli tard ha Luca Infanger tuc al 2:0 ed avant che l’emprim terz è i a fin ha il topscorer da Cuira, Mischa Bleiker, augmentà al 3:0.

A partir dal segund terz ha er l’EHC Arosa chattà la via en il gieu. Cun in gol da powerplay en la 28avla minuta ha Alain Bahar pudì scursanir al 1:3. Per dapli n’hai dentant betg tanschì en quest emprim derbi da la stagiun per Arosa, e quai anc avant ils fans da chasa.

audio
Reacziuns sin il derbi grischun Arosa – Cuira
aus Sport ed actualitad vom 31.10.2021.
abspielen. Laufzeit 4 minutas 28 Sekunden.

Equipas grischunas sa movan enturn il stritg

Malgrà questa victoria resta l’EHC Cuira sin il 9avel plaz ed uschia sut il stritg da la tabella. L’EHC Arosa ch’ha tras questa terrada manchentà la schanza da restar sin ils chaltgogns a las equipas a la testa sa chatta uss da nov sin il 7avel plaz cun 2 puncts reserva sin ils rivals da Cuira.

Gia mesemna proxima, ils 3 da november èn Cuira ed Arosa puspè en acziun. L’EHC Arosa frunta ordaifer sin Hockey Huttwil e l’EHC Cuira dat ordaifer encunter l’EHC Thun.

Actualitad 17:00;

Artitgels legids il pli savens

Scrollar a sanestra Scrollar a dretga