- SC Lyss – EHC Arosa 2:0
Cumenzà ha il gieu ruassaivel. En l'emprim terz n'hai dà nagins gols. L'emprim gol è crudà en la 33avla minuta, il segund curt avant la fin en la 57avla minuta. Avant trais emnas avevi anc dà ina victoria per la squadra d'Arosa cunter il SC Lyss, questa giada n'hai però betg tanschì. Il EHC Arosa perda ordaifer cunter Lyss cun 0:2.
- EHC Cuira – EHC WIKI-Münsingen 1:0
Il sulet gol ch'i ha dà en quella partida è crudà en l'emprim terz. Sajettà quel ha Claude Schnetzer en la quarta minuta.
Resultats MySports League
- HC Partenz-Signuradi – SC Herisau 4:6
Pli ditg che la partida tranter Partenz-Signuradi e Herisau ha cuzzà, e pli savens ch'il puc è ì en il gol: En l'emprim terz è Partenz-Signuradi ì cun 1:0 en avantatg. En il segund terz han ils hockeyans da Herisau egualisà ed èn ids cun 3:1 en avantatg. L'entschatta dal davos terz ha Herisau augmentà cun dus ulteriurs gols l'avantatg. En las ultimas minutas ha l'equipa da Partenz-Signuradi bain anc fatg trais gols, dentant betg pli pudì egualisar. Cun in ulteriur gol dals da Herisau ha Partenz-Signuradi la finala pers a chasa cun 4:6.
Resultats da la 1. liga
- SC Weinfelden – EHC San Murezzan 3:4
Gia en la terza minuta han ils hockeyans da San Murezzan fatg l'emprim gol a Weinfelden en Turgovia. Lura han ils giastaders bain pudì far dus gols, curt avant la fin da l'emprim terz ha San Murezzan però puspè pudì egualisar. Suenter il segund terz è Weinfelden stà en avantatg (3:2). En l'ultim terz ha San Murezzan puspè egualisà ed il gol decisiv è crudà en la 57avla minuta.
- ECH Lai-Valbella – Club da Hockey Engiadina 7:3
En l'emprim terz n'èn ils hockeyans da Lai-Valbella betg stads da franar. Els èn ids cun 6 gols en avantatg. Pir suenter che Lai-Valbella ha fatg en la 29avla minuta il 7avel gol han ils hockeyans dal CDH Engiadina tutgà per l'emprima giada il puc en il gol. Ma er cun ils trais gols en la 38avla, 48avla e 49avla minuta n'han ils hockeyans da l'Engiadina però betg pli pudì volver la partida.