Sche Friburg e Tavau dattan in cunter l'auter è in spectacul quasi garantì. Ils 12 da schaner ha il HCD manà a Friburg cun 4:0 suenter 10 minutas e lura tuttina anc pers. Oz ha Friburg manà suenter 33 minutas cun 5:0 e tuttina anc stuì tremblar. Duas giadas Marc Wieser (al 4:5 ed al 6:7) e Fabrice Herzog (al 5:6) han pudì scursanir il terz terz sin sulet in gol differenza. Il club da hockey da Tavau n'è dentant betg pli stà bun da volver il gieu. Suenter sis victorias è il HCD vegnì franà.
Ils ulteriurs resultats:
Lugano batta ils Lakers cun 5:2, ils ZSC Lions perdan a chasa cunter ils SCL Tigers cun 1:3 ed il derbi bernais gudogna Bienna cunter l'SC Berna cun 6:5 suenter prolungaziun.