L’EHC Kloten ha relaschà ses trenader Gerry Fleming per immediat. Quai ha communitgà il club turitgais. Il privel saja memia grond da betg cuntanscher las finamiras che sajan cleramain vegnidas communitgadas avant la stagiun.
Ad interim stettia il schef da sport Larry Mitchell a la banda. El vegnia sustegnì dals assistents da fin uss Saku Martikainen, Kimmo Rintanen e Tim Bertsche.
Kloten ha pers ier saira cunter ils SCL Tigers e sa chatta sin il penultim plaz da la tabella.