Ina surpraisa n'èsi betg pli - gia dapi emnas datti speculaziuns ch'il Canadais da 59 onns daventa nov trenader en il Tessin.
Tuttina, in zic ironic èsi, McSorley è l'anteriur trenader, directur da sport e cun-possessur dal club da hockey da Genevra. La squadra romanda sa chatta en il mument per la terza giada en sia istorgia en in final dals playoffs. Igl è l'emprima stagiun ch'il Canadais n'ha nagina funcziun pli tar Servette e tuttina porta la squadra anc ses stil.
McSorley succeda a Serge Pelletier che sto suenter ina stagiun e mez prender las valischas. Bain era la squadra da Lugano vegnida segunda en la qualificaziun, ha dentant gia en il quartfinal stuì prender cumià.