Emprim terz
- 3' Jesse Zgraggen 1:0
- 10' Marc Wieser (Andres Ambühl, Enzo Corvi) 2:0
Ils aspectaturs han vesì in gieu fitg animà en las emprimas 20 minutas. Dad omaduas equipas. La gronda differerenza è l’effizienza stada. Jesse Zgraggen e Marc Wieser han pudì sajettà en avantatg ils Grischuns. Ils Lakers n’han malgrà inqual schanza betg dumagnà il puck sper Sandro Aeschlimann ora.
Segund terz
- 26' Yannick-Lennart Albrecht (Roman Cervenka) 2:1
- 39' Dominic Lammer 2:2
- 40' Yannick-Lennart Albrecht (Leandro Profico) 2:3
Il HCD n’ha betg mussà in bun segund terz. Sulettamain quatter giadas han els sajettà sin il gol dals Songaglies. Ils Lakers han fatg dapli squitsch, sajettà 12 giadas sin gol ed uschia pudì volver il gieu. Tranter auter grazia a dus gols da Yannick Lennart Albrecht.
Ultim terz
- 59' Andres Ambühl (Enzo Corvi) 3:3
En las ultimas 20 minutas ha Tavau puspè chattà la via tar ses gieu. Rapperswil n'ha dentant betg laschars tier ina pluna grondas occasiuns als Grischuns. Pir 90 secundas avant la fin è il 3:3 crudà. Il chapitani Andres Ambühl ha sajettà il puck en la rait cun in bellezia slapshot.
Prolungaziun
- 64' Matej Stransky (Enzo Corvi) 4:3
En la prolungaziun han omaduas equipas gì la schanza da decider il gieu. La fin finala ha il Tschech, Matej Stransky sajettà il HCD tar la victoria.
Il HCD ha uss in'emna pausa. Proxima dumengia fruntan ils Grischuns a chasa sin ils ZSC Lions.