En la National League ha il HCD pers a chasa cunter Berna – quai cun 2:3 suenter prolungaziun. Gia en las emprimas minutas ha Berna sajettà ses emprim gol. En il segund terz lura gist anc il segund, dentant ha Tavau lura pudì suenter ed er fatg dus gols, uschia ch'igl è vegnì tar la prolungaziun. Ma igl n'ha lura tuttina betg gartegià.
En la tabella è il HCD uschia crudà da plazza 5 sin plazza 6. A la testa è Friburg Gottéron avant ils ZSC Lions e Berna.
Ulteriurs gieus il mardi
- HC Ajoie – SCL Tigers 0:3
- EHC Bienna - HC Ambri-Piotta 4:5 suenter penaltis
- Lausanne HC - Fribourg-Gottéron 1:2 suenter prolungaziun
- HC Lugano - SC Rapperswil-Jona Lakers 1:6
- Genevra-Servette HC - EHC Kloten 5:1
- ZSC Lions - EV Zug 2:3 suenter prolungaziun