Siglir tar il cuntegn

Header

video
Cun esser fitg passiv ha il HCD levgià als Turitgais da marcar
Or da Sport-Clip dals 18.01.2022.
abspielen. Laufzeit 49 Sekunden.
cuntegn

National League Tavau perda tar ils ZSC Lions

Il Club da Hockey da Tavau ha pers ordaifer cunter ils ZSC Lions cun 2:3. Gia suenter 17 minutas stevi 3:0 per ils Turitgais. Il chasti da 5 minutas, plus in chasti disciplinar per la durada dal gieu cunter Andres Ambühl en la 37avla minuta – n'ha era betg fatg pli simpla la chaussa per ils da Tavau. Bain ha Magnus Nygren pudì scursanir en la 42avla minuta al 1:3. Il segund gol che Dominik Egli ha sajettà per il HCD, en la 60avla minuta – è dentant crudà memia tard per anc volver il gieu.

Ils resultats dals ulteriurs gieus:

  • Friburg – Berna 3:1
  • Genevra – Losanna 4:3 suenter prolungaziun
  • SCL Tigers – Lakers 1:3
  • Zug – Bienna 3:2 suenter sajettar penaltis
  • Ajoie – Lugano 3:7

Ambühl sto far pausa

Il HCD sto desister da ses attatgader Andres Ambühl il venderdi a chasa cunter Losanna. La liga ha suspendì preventivamain Ambühl per ina partida, suenter ch'el ha fatg en la partida cunter ils ZSC Lions in check cunter il chau dal giugader Dominik Diem.

video
Ambühl sto bandunar il glatsch suenter in check cunter il chau
Or da Sport-Clip dals 18.01.2022.
abspielen. Laufzeit 1 minuta 23 Sekunden.

RTR novitads 23:00

Artitgels legids il pli savens

Scrollar a sanestra Scrollar a dretga