Il HCD ha pers la partida ordaifer cunter Fribourg-Gottéron cun 6:7 suenter prolungaziun. 23 secundas avant la fin dal temp regular ha Julien Sprunger egualisà tar il 6:6 e 5 minutas pli tard ha Viktor Stalberg era anc segirà il segund punct per Fribourg.
Pir duas giadas han il club da hockey da Tavau e Fribourg-Gottéron giugà in cunter l'auter questa stagiun. L'entschatta december ha il HCD pers a chasa cun 2:5 cunter l'actual terz da la tabella.
Ils resultads da las ulteriuras partidas:
- Ambri - Genevra 2:0
- Bienna - SCL Tigers 4 :0
- Zug - Lakers 3:1
- ZSC Lions - Lugano 2:1.
Zug resta a la testa da la tabella cun 57 puncts ed in avantatg da 8 puncts sin ils ZSC Lions. Tavau resta sin plazza 7 cun 31 puncts.
