Siglir tar il cuntegn

Header

video
Zug na lascha nagina schanza als Lakers
Or da Sport-Clip dals 25.04.2021.
laschar ir
cuntegn

National League Victorias per Zug e Genevra

Il victur da la qualificaziun Zug gudogna gist cun 6:1 cunter ils Rapperswil-Jona Lakers.

Gia suenter 12 minutas è la partida atgnamain stada decidida. Zug è stà cleramain la pli ferma equipa e ha entaifer 4 minutas fatg 3 goals. Silsuenter èsi stà ruassaivel enfin la 31avla minuta. Alura ha Clark sajettà il 1:3 ord vista dals Lakers. La speranza per in comeback è dentant vegnida sepulida be paucas minutas pli tard. Klingberg en la 35avla minuta e Kovar mo 23 secundas pli tard han alura decis definitivamain la partida.

Il favurit da Zug è pia partì suveran en il mezfinal.

Terrada per il Lions

Pli stretg è stà il segund mezfinal tranter ils ZSC Lions e Genevra Servette. Il ZSC perda l'emprima partida da la seria a chasa cun 1:2. Ditg è la partida stada egualisada. En la 37avla minuta ha alura Tömmerens sajettà il 0:1 per Genevra en il powerplay. Simbolic per la partida – tut ils trais gols èn crudads en il powerplay. En la 42avla minuta è Lasch vegnì d'egualisar la partida per ils Lions, dentant 6 minutas pli tar ha Tömmernes alura fatg ses segund gol da la saira ed uschia er gist decis la partida en favur dals Genevrins.

video
Genevra gudogna ordaifer cunter il ZSC
Or da Sport-Clip dals 25.04.2021.
laschar ir

RTR Novitads 22:00

Artitgels legids il pli savens

Scrollar a sanestra Scrollar a dretga