Per la Svizra n'ha la Nations League betg cumenzà tenor giavisch. L'equipa dal trenader Murat Yakin ha pers ordaifer cunter la Tschechia cun 1:2. Il capitani da la naziunala, Granit Xhaka, ha discurrì suenter la terrada a Prag dad ina «partida curiusa» cun bleras perditas da la balla ed ina defensiun plitost caotica.
La segunda partida da gruppa è ida a fin senza victur: La Spagna ed il Portugal han giugà pari 1:1. Sco proxim frunta la Svizra dumengia ordaifer sin il Portugal.