Naziunal/Internaziunal - 12x aur, 16x argient e 13x bronz per il Grischun
Ensemen cun 1’600 atletas ed atlets cun restricziuns spiertalas han er 100 Grischunas e Grischuns cumbattì per medaglias als National Summer Games da quest on – cun success, scriva l’organisaziun dals gieus Special Olympics.
1 / 3
Legenda:
Atlet da pingpong dal Schulheim Cuira.
Mad, Irene Nanculaf
2 / 3
Legenda:
Las giugadras ed ils giugaders da ballape da Giuvaulta.
mad, Irene Nanculaf
3 / 3
Legenda:
La gruppa da velo da l'Argo cun il profi da velo Franco Marvulli.
mad, Irene Nanculaf
La fin d’emna passada steva Genevra sut l’ensaina dals National Summer Games 2018. La finamira da l’occurrenza, che ha lieu mintga quatter onns, saja da promover la stima, l’acceptanza e l’egualitad per persunas cun restricziuns. A Genevra saja quai vegnì fatg cun fitg grond success, scrivan ils responsabels.
Dal Grischun eran da la partida 100 atletas ed atlets da las instituziuns Schulheim Cuira, Giuvaulta Rothenbrunnen, Chasa Foppa Tartar, Argo Surava e dal Club da sport SC Razén. Els hajan sa mesirà en las disciplinas da pétanque, velo, nudar, atletica ligera, boccia, ballape e pingpong.