Il ballapedist da l'onn, Lionel Messi, e ses bab Jorge èn vegnids sentenziads mintgin a 21 mais praschun pervi da fraud da taglia. Quai ha decidì la dretgira civila a Barcelona. Ils dus sentenziads ston pero strusch ir en praschun cunquai che chastis sut 2 onns vegnan decidids cun temp d'emprova.
Messi sto plinavant pajar in chastì da radund 2 milliuns euros, ses bab 1,5 milliuns.
Tranter il 2007 ed il 2009 duai Messi avair cugliunà l'uffizi da finanzas spagnol per 4,1 milliuns euros. I va per daners ord ils dretgs sin maletgs.
RR novitads 14:00
sda/hs