Legenda:
Nico Hischier decida gia per la segunda giada questa stagiun il gieu.
Keystone
cuntegn
Naziunal/Internaziunal - 87 secundas avant la fin decida Hischier il gieu
Cun ses gol decisiv curt avant segirescha il Vallesan Nico Hischier la victoria als New Jersey Devils. Cun in 4:3 cumbattan els lur adversari, ils Philadelphia Flyers.
Ils tschintg dis pausa han fatg bain als New Jersey Devils. Cun in 4:3 han els cumbattì ils Philadelphia Flyers ed uschia terminà la seria da perditas. Decidì il gieu ha Nico Hischier, 1.27 minutas avant la fin. Er grazia a quel gol è Hischier vegnì elegì sco megleir giugader cunter Philadelphia.
Gia per la segunda giada ha il Vallesan fatg il gol decisiv questa stagiun. Totalmain ha el gia tutgà nov giadas.
I è stà in gieu si e giu. La finala avainsa gudagnà. Uss stuainsa però cuntinuar exact uschia.
Nico Hischier
Avrir la boxSerrar la box
Il Svizzer gioga dapi il 2017 per ils New Jersey Devils. Cumenzà sia carriera ha el tar il EHC Visp, sco junior.
Nico Hischier è stà l’emprim giugader svizzer ch’è vegnì tratg sco numer 1 als NHL-Drafts.
