En il final cunter la Brasilia ils 16 da fanadur 1950 el Maracanã a Rio de Janeiro, pia exact 65 onns avant sia mort, aveva Ghiggia sajettà avon 200’000 aspectaturs il 2 :1, il gol da la victoria da l’Uruguay e procurà per silenzi en il stadion. Tar quai mument datti in citat renumà dad Alcides Ghiggia:
Mo 3 persunas han procurà cun in sulet gest per silenzi en il Maracanã: il papa, Frank Sinatra ed jau.
E dapi lura festiveschan ils Uruguaians la victoria en il stadion da Maracanã a Rio de Janeiro sco «Maracanaço».
RR novitads 07:00