Per il Grischun èsi il 5avel campiunadi mundial ed el è motivà pli che mai. Alex Fiva è adina ì sco favurit ad eveniments gronds. Igl è però mai gartegià da turnar da gieus olimpics ni campiunadis mundials cun ina medaglia en satg. A quest campiunadi mundial duai la medaglia desiderada daventar realitad. Sco Alex Fiva tradescha, saja ina raschun sia figlia Nalani ch'è naschida avant 10 dis. Ella dettia ad el alas e duai catapultar el sin il podest.
Tuttas e tuts sa qualifitgads
La cumpletta equipa da skicross svizra è sa qualifitgada per ils finals al campiunadi mundial a Park City. La decisiun a Park City cumenza sonda saira a las 21:00. Ils Grischuns Alex Fiva e Joos Berry sco er Marc Bischofberger e Jonas Lenherr èn sa qualifitgads. Tar las dunnas han Fanny Smith e Sanna Lüdi persvadì en la qualificaziun cun il segund respectiv 5 meglier temp.
RR Sportissimo 17:00